Wq/tn/Beverly Afaglo

Beverly Afaglo

Beverly Afaglo (yo o tshotsweng ka kgwedi ya Motsheganong ka ngwaga wa 1983) ke modiragatsi wa Ghana le mogasi wa thelebishene.

Dikinolo

• "Go nyala go ne ga nnyatsa ka gore bakaedi bangwe ba ne ba mpolelela gore ga ba kake ba ntlhophela dikarolo dingwe tse ke neng ke di tshameka mo nakong e e fetileng ka gore ke mosadi. Ke rata gore ba mpha tlotlo e e kalo mme jaaka modiragatsi, ke tiro yame go diragatsa go sa kgathalesege gore ke mo lenyalong; ka jalo fa ke kgona go tshameka karolo ka botlalo, ga ke bone lebaka la go bo ke sa tshwanela go neelwa tshono."
  • Selorm Tali, Becca was loud and everywhere but childbirth has slowed down her career - Beverly Afaglo, Pulse, August 2, 2023.
• "Batho bao ba neng ba ntlhola fa ke le kwa gae le bone jaanong ba batla banna ba ba ka nyalang le go belega. Ke ka moo Modimo o dirang ka teng ka tsela ya gagwe. Tsela e Modimo o dirang ka yone e farologane le motho mongwe le mongwe."
  • Dorcas Agambila, 'Actresses who overtook me are desperately looking for husbands' – Beverly Afaglo, Pulse, August 3, 2023.
• "Ga go bonolo go tsamaisa kgwebo kwa Ghana. Batho ba tla go senyetsa mme go bona badiri go thata. Batho ba nna ba lela mo maranyaneng ka letlhoko la ditiro. Ke maaka otlhe ka gore ga ba tlhoke tiro epe, ke botshwakga. Banana ba ditshwakga ka gore ba akanya gore fa o setse o tshotswe, o simolola go tsamaya...ke thulaganyo mme kwantle ga maitemogelo ape, ba solofela go le gontsi jaana."
  • The youth are lazy - Beverly Afaglo shares ordeal, Ghana Web, April 12, 2023.
• "Re ne re tshwere tsholofelo, re akanya gore e tla boela morago mme go lebega e le kgakala, boammaaruri bo bolelwe intaseteri e sule. Ke ne ke na le puisano le mongwe wa badirimmogo le nna ka intaseteri mme kwa bokhutlong, re ne ra lemoga gore agona sepe se se diragalang gotlhelele go ya kwa go tsosoloseng intaseteri. go a tshwenya tota."
  • Reymond Awusei Johnson, The movie industry is really dead - Beverly Afaglo, Pulse, August 6, 2023.
• "Lenyalo la batho ba ba tumileng le tshwana fela le lenyalo lengwe le lengwe ntle le gore le tura go sekae ka gore bobedi jwa lona le mo leseding ka jalo go solofetswe go le gontsi mo go lona go feta malapa a mangwe."
  • Jayne Buckman-Owoo, Celebrity marriages are costly -Beverly Afaglo, Graphic Online, April 19, 2023.
• "Ga ke ipapise le ope ka gore kwa bokhutlong jwa letsatsi, ke leboga gore fa o umaka modiragatsi wa Ghana, ke tla bo ke le teng. Fa e ne e se ka seo (lenyalo), nkabo ke dirile dilo tse dintsi. Ke itumetse ke nyetse; go seng jalo, nkabo ke dirile dilo tse dintsi. Nkabo ke sentse botshelo jwame ka ke ne ke le tlhaga. Go dirile gore ke emise dilo tse dintsi, ka jalo go molemo."
  • Dorcas Agambila, Marriage saved me from 'wasting my life' – Berevely Afaglo admits, Pulse, August 3, 2023.